Afrikalı immiqrantlarını İtaliyaya daşıyan gəminin Liviya sahillərində batması nəticəsində 224 nəfər itkin düşüb.

Axar.az Radikal-a istinadən xəbər verir ki, gəmi paytaxt Tripolinin şərqində batıb. Məlumata görə, gəmidəki 250 nəfər heyətdən yalnız 26 nəfəri xilas etmək mümkün olub.

Tripoli-Liviya Donanmasının sözçüsü Əyub Qəssam bildirib ki, dənizdə üzən çoxlu cəsəd var: "Aralarında qadınların çoxluq təşkil etdiyi immiqrantları daşıyan gəmidə əksəriyyət afrikalılardan ibarət olub".

Xatırladaq ki, İtaliya hökuməti 2014-cü ildə 100 mindən çox immiqrantın İtaliya sahillərinə çatdığını bildirmişdi. Avqust ayında bənzər bir gəmi qəzasında isə 100-dən çox afrikalı immiqrant həyatını itirmişdi.