Yaponiya hökuməti Ukrayna hadisələri ilə əlaqədar Rusiyaya qarşı bu gün, sentyabrın 19-da elan edəcəyi yeni sanksiyalara dair niyyətinə düzəlişlər edib.

Axar.az Lenta.ru-ya istinadla bildirir ki, möhlətin səbəbi Moskvanın reaksiyasını daha yaxşı izləyə bilməkdir. Məlumata görə, sanksiyalar tamamilə ləğv edilmir, onların məzmunu bir qədər sonra açıqlanacaq.

Yaponiyanın "İomiuri" qəzetinin verdiyi informasiyaya görə, yeni sanksiyalar 19 bənddən ibarət olacaq. Xüsusilə Yaponiyaya girişi qadağan edilən və hesabları dondurulan adlardan ibarət qara siyahı genişləndiriləcək. Məhdudlaşdırma enerji və maliyyə sektoruna da toxuna bilər. Bundan başqa, Rusiya Prezidenti Vladimir Putinin Yaponiyaya 2014-cü ilin payızına planlaşdırılmış səfərinin başqa vaxta keçirilməsi məsələlərinə də baxılır.

Xatırladaq ki, Yaponiya avqustun əvvəlində Rusiyaya qarşı sanksiyalar rejimini genişləndirib. Cavabında Moskva da bəzi yapon vətəndşlarına viza sanksiyası qoyub.