Qobi səhrasında naməlum obyekt Quql xəritəsi vasitəsilə təsadüfən aşkar edilib.

Milli.az xəbər verir ki, obyekt Çinlə Monqolustanın sərhədində aşkarlanıb.

Tədqiqatçıların Yutub kanalında yerləşdirdikləri videokadrlarda sirli "texniki obyekt"in detallarını rahatlıqla müşahidə etmək olur.

Bleyk və Brett Kuzens qardaşlarının fikrincə, obyekt gizli hərbi bazadır. Tədqiqatçıların diqqətini, həmçinin, hündürlükdən yaxşı görünən həndəsi naxışlar cəlb edib.

Kuzenslər hesab edirlər ki, onlar tərəfindən aşkar edilmiş obyekt yadplanetlilərə aid ola bilər. Gümanlarına görə, səhrada məxfi kosmik baza yaradılıb. Çünki Quqlun Yer üzündə olan hər hansı obyekti ad kimi tanımaması nadir hadisədir.