Ukraynanın ABŞ-dan qeyri-ölüm silah alması cənub-şərqdə vəziyyətin dəyişməsinə gətirib çıxaracaq, müharibə son dərəcə dəqiq xarakter alacaq. Ukrayna ordusu belə bir silaha yiyələndiyi halda düşmən qüvvələrinin yerləşməsini daha dəqiq müəyyən edəcək.

Axar.az RİA Novosti-yə istinadən bildirir ki, bu barədə Dövlət Dumasının müdafiə komitəsinin sədri Frants Klintseviç məlumat verib.

Dünən axşam Prezident Petro Poroşenki bildirib ki, Ukrayna ABŞ-dan və digər ölkələrdən qeyri-ölüm silahı alacaq. Ukrayna hökuməti xaricdən silah alınacağı barədə dəfələrlə məlumat yayıb, ancaq ehtimal edilən təchizatçı ölkə müvafiq məlimatları təkzib edib. Ötən həftə Poroşenko ABŞ-a səfəri zamanı silah təchizatı barədə xahiş edib. Bundan sonra Amerika Senatının beynəlxalq komitəsi Ukraynaya 2015-ci il üçün 350 milyon dollar həcmində hərbi yardım (tank əleyhinə silahlar və pilotsuz aparatlar da daxil olmaqla) ayrılması və ona "ABŞ-ın NATO xaricində xüsusi müttəfiqi" statusunun verilməsi haqqındakı qanun layihəsini rəğbətlə qarşılayıb.

Frants Klintseviç qeyd edib ki, "qeyri-ölüm silahı" termini insanları aldatmaq və heç bir təhlükənin olmaması haqqında təəssürat yaratmaq üçün məxsusi istifadə olunur. Əslində isə bu silahların alınmasından sonra müharibənin xarakteri tamamilə dəyişəcək və ölənlərin sayı dəfələrlə artacaq.