Çin Müdafiə Nazirliyi Rusiya ilə hərbi əməkdaşlığı ucbatından tətbiq edilən sanksiyalara görə ABŞ-a öz etirazını bildirib.

Axar.az xəbər verir ki, nazirlik artıq Pekinin etirazının ABŞ tərəfinə təqdim edildiyini açıqlayıb. Rəsmi Pekin ABŞ sanksiyalarının hegemoniya və ictimai şəkildə beynəlxalq münasibətlər prinsiplərinin əsaslarının tapdanması göstəricisi olduğunu bildirib:

“Çin-Rusiya hərbi əməkdaşlığı iki dövlətin suveren işidir. Bu, bütün beynəlxalq normalara cavab verir. Ona görə də Vaşinqtonun buna müdaxilə etmək haqqı yoxdur”.

Qeyd edək ki, ABŞ bundan öncə Rusiyadan 10 ədəd Su-35 təyyarəsi aldığı üçün CAATSA qanunu çərçivəsində Çin Hərbi Şurasının Mərkəzi Təchizat və Döyüşçülərin Hazırlığı Departamentinə və onun rəhbəri Li Şanfuya qarşı sanksiyalar tətbiq edib.