S-300 sistemlərinin Suriyaya göndərilməsi prosesi zamanı güclü təhlükəsizlik tədbirləri görülməlidir.

Axar.az xəbər verir ki, bunu rusiyalı hərbi ekspert İqor Korotçenko deyib.

“Önəmli olan odur ki, bu sistemləri Suriyaya çatdıracaq gəmi və təyyarələrin İsrail tərəfindən vurulmasının qarşısı alınsın. Belə bir ehtimal var. Güman edirəm ki, Rusiya hərbi idarəçiliyi bununla bağlı lazımi tədbirlər görəcək”, - deyə ekspert bildirib.

Qeyd edək ki, S-300 sistemlərinin Suriyaya göndərilməsi ilə bağlı İsrail Baş naziri Benyamin Netanyahu ilə Rusiya lideri Vladimir Putin arasında telefon danışığı baş tutub.