Ana səhifə Planet |
Ermənistanda yağ qiymətlərinin artımı kifayət qədər spesifik və iqtisadi məsələdir.
Axar.az xəbər verir ki, bunu “News.am”a açıqlamasında Ermənistan İstehlakçılar İttifaqının sədri Armen Poqosyan deyib.
“Ermənistana Yeni Zellandiyadan yağ idxal etmək absurddur. Yerli istehsalçılar bazarın bu məhsula tələbatının 40%-ni ödəyə bilərlər. Qida təhlükəsizliyi dövlət təhlükəsizliyinin bir hissəsidir. Onun məqsədi ölkənin özünü təmin edə bilməsini zəmanət altına almaqdır. Bazardakı bahalaşmanın əsas səbəblərindən biri real rəqabətin olmaması, bazardakı monopoliyadır.
Ermənistanda insanların gündəlik istifadə etdiyi süd 100 qramdır. Avropada isə bu 400 qramdır. Sadəcə dəhşətdir. Bu, yalnız müharibə şəraitində və blokadada olur. Əhalinin çörək istifadəsi artıb. Çörək süd məhsullarını əvəz etməyə başlayıb”, – deyə o bildirib.
Qeyd edək ki, Ermənistanda yağ böhranı Serj Sərkisyan dövründən mövcuddur. Belə ki, ölkədə satılan yağın qiyməti beynəlxalq bazarlarla müqayisədə çox yüksəkdir. Dünyada yağ qiymətləri 4 dollara endiyi halda Ermənistanda bu göstərici 9,4 dollara bərabərdir.
Tarix
2018.10.13 / 17:28
|
Müəllif
İlkin Həsənov
|