Bu araşdırmanın davam etdiyi və orada nə olduğunu bilmədiyimiz prosesə görə Səudiyyə Ərəbistanına silah ixrac etmək məsələsində müsbət qərar verməyə zəmin yoxdur.

Axar.az xəbər verir ki, bunu Almaniya Xarici İşlər naziri Hayko Maas Camal Qaşıqçının öldürülməsinə mövqeyini bildirərkən deyib.

Maas Qaşıqçı ilə bağlı verilən məlumatların yetərsiz olduğunu, cavablardan çox sualların olduğunu vurğulayıb.

Qeyd edək ki, bir müddət öncə Səudiyyə Ərəbistanının Baş prokuroru şeyx Səud əl-Muacib oktyabrın 2-dən yoxa çıxmış səudiyyəli jurnalist Camal Qaşıqçının ölkənin İstanbuldakı Baş Konsulluğunda yaranmış münaqişə zəminində öldüyünü təsdiqləyib.