ABŞ Prezidenti Barak Obama ilə Fransa Prezidenti Fransua
Olland İŞİD terror təşkilatı və Ebola epidemiyası mövzularını
müzakirə ediblər.
Axar.az Anadolu Agentliyi-nə istinadən xəbər verir ki, iki lider
müzakirədə Ebola ilə mübarizədə beynəlxalq cəmiyyət və Avropa
Birliyinin (AB), NATO və Dünya Səhiyyə Təşkilatı (DSÖ) ilə daha sıx
əməkdaşlıq etməli olduğunu dilə gətirib.
Olland müzakirədə Fransanın Keniyanın yeni Ebola müalicə mərkəzi
yaradılması tələbini yerinə yetirəcəyini bildirib. Prezident
virusun yayıldığı bölgələrdən gələn uçuşlara qarşı yeni
müayinələrin də planlaşdırıldığını qeyd edib.
İki lider İŞİD terror təşkilatı ilə mübarizədə qərarlı
olduqlarını bildirərək Suriyadakı radikal olmayan müxalifətə
verilən dəstəyin artırılması mövzusunda həmfikir olduqlarını qeyd
ediblər. Liderlər eyni zamanda İraqdakı yeni rəhbərliyə və İŞİD-lə
mübarizə aparan təhlükəsizlik qüvvələrinə dəstək olduqlarını
bildiriblər.