"Yeni parlament keçmiş səhvləri təkrarlasa, hökumət devriləcək".

Axar.az "Lenta.ru"ya istinadən xəbər verir ki, bu sözləri Ukraynanın Baş naziri Arseni Yaçenyuk Ali Radaya keçiriləcək seçkilər öncəsi çıxışı zamanı deyib.

Yaçenyuk yeni hökumətin sürətli şəkildə formalaşmasının lazımlığından danışıb:

"Ukrayna üçün vaxt qızıl dəyərindədir. Seçkilərindən sonra hökumətin formalaşmasını ləngitmək olmaz. Yeni hökumət ölkə üçün mübarizəni və onun gələcəyini davam etdirməlidir. Dövlət büdcəsi haqqında qanunu qəbul etmək, qışı keçirmək üçün kommunal problemləri həll etməli və ölkənin inkişafını təmin etməlidir".

Son parlament seçkilərindən iki il ötdüyünü xatırladan Yaçenyuk xalqın boş vədlərə artıq inanmadığını vurğulayıb:

"Yeni parlamentin deputatları seçicilərin ümidlərini doğrutlmayacaqsa, onlar da yalnız oğurlamağa və aldatmağa cəhd edəcəklərsə xalq onları süpürəcək".