İran yük maşınlarına yanacaq satışını bərpa etmələri üçün Türkiyəyə 20 gün vaxt verib.

Axar.az xəbər verir ki, bu barədə İranın Yol Təşkilatının Tranzit Baş İdarəsi məlumat yayıb. Türkiyənin İranın yük maşınlarına öz ərazisində yanacaq satışını qadağan etməsi bir sıra problemlər yaradıb.

İdarə Türkiyənin yük maşınlarına yanacaq satışını 20 gün ərzində bərpa etməyəcəyi təqdirdə, eyni qadağanı İranda Türkiyə yük avtomobillərinə tətbiq edəcəyini açıqlayıb.

Qeyd edək ki, qadağadan sonra İranın yük maşınları yanacaq çənini sərhəddə doldurmaq məcburiyyətində qalıblar.