Türkiyə Prezidenti Rəcəb Tayyib Ərdoğanın Fəratın şərqində PKK-YPG terrorçularına əməliyyat xəbərdarlığı etməsi ərəb dünyası tərəfindən də diqqət mərkəzində saxlanılıb.

Axar.az xəbər verir ki, bölgədə YPG-yə maliyyə yardımından əlavə bir sıra fəaliyyətləri də icra edən BƏƏ və Səudiyyə Ərəbistanında Türkiyənin yeni əməliyyat hazırlığı kəskin narahatlıqla qarşılanıb.

Bu ölkələrin mətbuat orqanları Türkiyənin antiterror əməliyyatına qarşı yazılar dərc edib. Məsələn, “Əl Savra” qəzeti Türkiyənin əsl məqsədinin Suriyada nəzarəti genişləndirmək olduğunu və əməliyyatın məhz bu məqsədə xidmət etdiyini yazıb.

“Rai Əl Youm” nəşri Türkiyəni əməliyyata vadar edən səbəbin bölgədə Səudiyyə və BƏƏ-nin icra etdiyi fəaliyyətlər olduğunu qeyd edib.

“Əl Həyat” isə Türkiyənin Suriyanın şimalında daha bir əməliyyat keçirmək fikrinin ABŞ-ın Yaxın Şərqdəki strategiyası ilə zidd olduğu vurğulanıb.