Ukrayna və ABŞ-ın birgə istehsalı olan "Antares" daşıyıcı-raketinin qəzaya uğrama səbəbi mühərrikdəki problemlə bağlı ola bilər.

Axar.az xəbər verir ki, bu barədə kosmos sahəsində siyasət üzrə mütəxəssis, Corc Vaşinqton adına Universitetin əməkdar professoru Con Loqsdon RİA Novosti-yə bildirib.

İki tondan artıq yükü Beynəlxalq kosmik stansiyaya çatdırmalı olan Cygnus kosmik yüklü "Antares" daşıyıcı-raketi ABŞ-ın Atlantik okeanı sahillərindəki Vallops kosmodromunda start anında partlayıb. Zərərçəkən olmayıb. NASA-da təsdiq ediblər ki, kosmik yük startdan altı saniyə sonra "itirilib".

Ekspert xatırladıb ki, bu, "Antares"in artıq dördüncü buraxılışıdır və əvvəlki üç buraxılış uğurlu olub. Professor belə hesab edir ki, qəza mühərriklə əlaqəli ola bilər. "Mühərriklər 40 il əvvəl Н-1 sovet daşıyıcı-raketləri üçün nəzərdə tutulmuş və yenilənmiş raket mühərrikləri idi", - deyə Loqsdon bildirib. НК-33 mühərriki Н-1 raketləri üçün hazırlanmışdı, 1970-ci illərin əvvəllərindən buraxılıb və ABŞ-da Beynəlxalq Kosmik Sansiyanın proqramı üzrə "Antares" daşıyıcı-raetləri üçün satılır.

Ekspert əlavə edib ki, qəzanın dəqiq səbəbləri bəlli olmadığından "Antares"in gələcəkdə də istifadə edilib-edilməyəcəyindən danışmaq hələ tezdir. Bundan əlavə, start meydançasının özünə də nə kimi ziyanın dəydiyi hələ aydınlaşdırılmayıb. Belə ki, professorun dediyi kimi, "Antares" daşıyıcı-raketi ancaq bu meydançadan start götürə bilər.