NATO Rusiya Hava Qüvvələrinin 28-29 oktyabr tarixlərində Avropa hava səmasında uçuşlarını artırdığını açıqlayıb.

Axar.az xəbər verir ki, NATO hərbi komandanlığı verdiyi açıqlamada Rusiyaya məxsus 4 qrup reaktivin Baltik, Şimal Dənizi, Atlantik okean və Qara dəniz üzərində hərbi manevr etdiyini bildirib.

NATO-nun açıqlamasına görə, radiolokasiya qurğuları Rusiya Federasiyasına məxsus 8 təyyarənin Şimali dənizi üzərində uçduğunu təsbit edib.

Təyyarələrin dördünün Tu-95 bombardmançı və dördünün İl-78 hava tankeri olduğu məlum olub. Təyyarələr radarlarda göründükdən sonra Norveç, İngiltərə və Portuqaliya hava qüvvətlərinə aid döyüş reaktivləri havaya qaldırılıb.

Ayrıca olaraq Qara dəniz üzərində də rus qırıcılarının manevr etdiyi aşkar edilib: "Dörd Tu-95 təyyarəsi ilə iki Su-27 döyüş reaktivi təsbit edilib. Türkiyə Hava Qüvvələrinə məxsus təyyarələr də dərhal havaya qaldırılıb. Bundan başqa NATO radarları Baltik dənizi üzərində iki Miq-31 döyüş reaktivi, iki Su-34 bombardman reaktivi, bir Su-27 və iki Su-24 təyyarəsi təsbit edib".