Ana səhifə Planet |
"Krımı bu dəqiqə dünyada hətta bizim müttəfiqlərimiz olan Belarusiya və Qazaxıstan belə Rusiya ərazisi kimi tanımır".
Axar.az Exo Moskva radiosuna istinadən xəbər verir ki, bu açıqlama ilə rusiyalı siyasətçı Vladimir Rıjkov çıxış edib.
O, Krımın yalnız rusların başlarında Rusiyaya məxsus olduğunu deyib:
"Bu gün Rusiya Federasiyasından başqa heç kim Krımı Rusiyanın bir hissəsi kimi tanımayıb. Buna ən yaxşı nümayəndə Kosovadır. Birincisi, Kosovanı heç kim özünə birləşdirməyib. Bizim vətənpərvərlər tez-tez bu amili dilə gətirirlər. Kosova ayrılıb, amma heç kim onu özünə birləşdirməyib. Albaniya belə onu özünə birləşdirmədi, amma Kosovanı 50 ölkə tanıdı. İkinci məqam isə Abxaziya və Cənubi Osetiyadır. Onların müstəqilliyini kim tanıyıb? Nikaraqua. Yəni dünyanın bu üç-dörd ölkəsindən başqa hər iki ərazi Gürcüstanın ərazi vahidi kimi tanınır. Krımı bu dəqiqə dünyada hətta bizim müttəfiqlərimiz olan Belarusiya və Qazaxıstan belə Rusiya ərazisi kimi tanımır. Demək, Krım yalnız bizim başımızda Rusiyaya məxsusdur".
Tarix
2014.10.30 / 14:11
|
Müəllif
İlkin Həsənov
|