Norveçdə daha bir azyaşlı uşağı – altı yaşlı qızı rus ailəsindən alıblar.

Axar.az RİA Novostiyə istinadla bildirir ki, bu barədə Rusiya prezidenti yanında insan haqları üzrə səlahiyyətli nümayəndə Pavel Astaxov məlumat verib. Norveçin Uşaqların müdafiəsi xidmətinin əməkdaşları uşağı aparmaq üçün rusiyalıların evinə polislə gəliblər.

"Dünən axşam Norveçdən Rusiya vətəndaşlarının ailəsindən altı yaşlı qız uşağının götürülməsi haqqında həyəcanlı xəbər gəlib", - deyə Rusiya prezidentinin İnsan haqları üzrə nümayəndəsi Pavel Astaxov özünün Tvitter səhifəsində yazıb. O, qeyd edib ki, XİN və slahiyyətli nümayəndə hazırda uşağın götürülməsi haqqında informasiyanı araşdırır.

Xatırladaq ki, bundan əvvəl də işlə əlaqədar Troms şəhərində məskunlaşan Rusiya vətəndaşlarının ailəsindən beş yaşlı oğlan uşağı alınmışdı. Səbəb isə uşağının süd dişinin düşməsi olub. Ombudsmanın məlumatına görə, raportda yazılıb ki, "uşağın dişini anası vurub salıb". Norfveçdəki rus səfirliyi və konsulluq uşağa zəruri yardım göstərəcəklərini vəd etmişdilər.