Mərkəzi Afrika Respublikasında (MAR) Rusiya hərbi bazası açıla bilər.

Axar.az xəbər verir ki, bunu “RİA Novosti” agentliyinə müsahibəsində MAR-ın Müdafiə naziri Mari Noel Koyara deyib.

Onun sözlərinə görə, avqust ayında iki ölkə arasında hərbi əməkdaşlıq haqqında müqavilə imzalanıb və MAR-da təlim mərkəzi yaradılıb. O, bu mərkəzdə rusiyalı konsultantların da MAR hərbçilərinə təlim keçdiyini bildirib.

Qeyd edək ki, MAR-da Rusiyanın “Vaqner” özəl hərbi şirkətinin muzdluları yerləşdirilib. Onlar MAR hərbçilərinə təlim keçməklə bərabər ölkədəki bir sıra faydalı yataqların fəaliyyət işinə də nəzarəti həyata keçirirlər.

Bir müddət öncə bu ölkədə əslən azərbaycanlı olan rusiyalı jurnalist Orxan Camal öldürülüb. Onun “Vaqner”in muzdluları tərəfindən öldürüldüyü iddia olunur.