ABŞ-ın Almaniyadakı səfiri Riçard Qrenell bir sıra alman şirkətlərinə məktub göndərərək, onları “Şimal axını 2” layihəsindən uzaq durmağa səsləyib.

Axar.az xəbər verir ki, bu məlumatı “Bild” qəzeti yayıb. Qrenell əks təqdirdə bu şirkətlərin ABŞ sanksiyalarına məruz qala biləcəklərini bəyan edib:

“Bilirsiniz ki, ABŞ qətiyyətlə “Şimal axını-2”-yə qarşı çıxır. Qaz kəməri bizim avropalı müttəfiqlərimiz və tərəfdaşlarımız üçün ciddi geosiyasi nəticələr daşıyır. AB-nin Şərqi Avropadan olan üzvləri, Qərbi Avropada əksər hökumətlər və Kanada bu layihəyə qarşıdır. Bu tərəfdaşlar bizim Rusiyanın artan aqressiv davranışı və Moskvanın enerji resurslarından siyasi və iqtisadi rıçaq kimi istifadə etməsiylə bağlı narahatlığımızı bölüşürlər”.