Ermənistanın yeni parlamenti özünün ilk iclasına start verib.

Axar.az xəbər verir ki, iclası ənənəvi olaraq parlamentin ən yaşlı deputatı kürd əsilli 74 yaşlı Knyaz Həsənov açıb. Parlamentin ilk iclasına Ermənistan Prezidenti Armen Sərkisyan və bütün ermənilərin katolikosu II Qaregin də qatılıb.

Qeyd edək ki, Ermənistanda növbədənkənar parlament seçkisi dekabrın 9-da baş tutub. Seçkidə qələbəni Nikol Paşinyanın rəhbərlik etdiyi Mənim Addımım Bloku (88 deputat) qazanıb. Ondan sonrakı yerlərdə isə Çiçəklənən Ermənistan (26 deputat) və İşıqlı Ermənistan (18 deputat) partiyaları qərarlaşıb. Parlamentdə həmçinin 4 etnik azlıq – kürd, yezidi kürd, rus və aysorları təmsil edən deputatlar olacaq.