"İraq və Şam İslam Dövləti" qlobal terror təşkilatının lideri Əbu-Bəkr Bağdadi öldürülüb.

Axar.az xəbər verir ki, bu dəqiqələrdə dünya mediası İŞİD liderinin məhv edildiyi xəbərini yayıb. Məlumata görə, ABŞ-ın döyüş təyyarələri dünən İŞİD terror qruplaşmasının liderlərinin toplantı keçirdiyi binaya raket zərbələri endirən zaman yaralanan əl-Bağdadi bir neçə saat sonra ölüb.

Bu barədə "Reuters" xəbər agentliyi də məlumat yayıb. Türkiyə mətbuatında tanınan azərbaycanlı sələfi imza "Furkan Azəri" də İŞİD mətbuat sözçüsü Adnani adlı şəxsə istinadən yazıb ki, Bağdadi öldürülüb.

Qeyd edək ki, dünən ABŞ-ın döyüş təyyarələrinin bombardmanı zamanı Əl Bağdadi ağır yaralanmışdı.

Əl Bağdadi təcili Suriyaya yola salınmışdı. Zərbələr nəticəsində İŞİD-in bir neçə səhra komandiri də ölmüşdü. Məlumata görə, qruplaşmanın nümayəndələri yaralı silahlılara qan köçürmək üçün şəhər əhalisinə müraciət edərək qan verməyi xahiş etmişdi. Onu da deyək ki, ötən gün CNN ABŞ prezidenti Barak Obamanın öldürülməsi xəbərini yaymışdı.