Bizlər üçün təhdid təşkil edən bölgələrin həssaslığı böyük əhəmiyyət kəsb edir. Təhdid yaradan bölgələrdə tədbirlərin görülməsində ABŞ öz müsbət münasibətini bizə göstərdi. Bu, təxminən 30-32 kilometrlik bir bölgədir. Bu məsələ barədə Rusiya ilə hər hansı bir çətinliyimiz yoxdur.

Axar.az xəbər verir ki, bunu Türkiyə Prezidenti Rəcəb Tayyib Ərdoğan rusiyalı həmkarı Vladimir Putinlə keçirilən görüşdən sonra mətbuat konfransında bildirib.

"ABŞ-ın geriçəkilmə qərarı üzərində dəyərləndirmələr aparmışıq. Türkiyə və Rusiyanın iş birliyi Suriyanın sülh, təhlükəsizlik və sabitliyi üçün məhək daşıdır. Yaxın dialoqumuz və iş birliyimiz sayəsində bir çox uğura, bir çox müsbət inkişafa imza atdıq. Dostlarımızla əlaqəmizi gücləndirməkdə qərarlıyıq. ABŞ-ın geriçəkilmə prosesində terror təşkilatlarının istismar edə biləcəyi bir boşluğun yaranmaması kritik əhəmiyyətə malikdir", - Ərdoğan qeyd edib.