Ana səhifə Planet |
OPEK+ razılaşması ABŞ üçün üstünlüklər, Rusiyanın neft sənayesinin inkişafı üçün isə strateji təhdid yaradıb.
Axar.az “Vedemosti” qəzetinə istinadən xəbər verir ki, bu sözlər “Rosneft”in rəhbəri İqor Seçinin Rusiya Prezidenti Vladimir Putinə dekabrın sonunda göndərdiyi məktubda yer alıb. Məktubunda Seçin Rusiya neftinin dünya bazarında payının 16,3%-dən 12%-ə qədər azaldığını bildirib:
“İstehlakçılar Rusiya neftindən çox, digər neft brendlərinə diqqətlərini artırırlar. Bu, Rusiyanın neft şirkətlərinin bazar paylarını itirməsində geri dönülməsi mümkün olmayan addım ola bilər”.
Hələlik Rusiya Energetika Nazirliyi, “Rosneft”, “Qazpromneft” və Rusiya Prezidentinin mətbuat katibi Dmitri Peskov məsələ ilə bağlı açıqlama verməkdən imtina ediblər.
Qeyd edək ki, OPEK+ ölkələri 2017-ci ildə neft hasilatının azaldılmasıyla bağlı razılaşıblar. Müqaviləyə əsasən, 2019-cu ilin mayına qədər Rusiya hasilatını 2% miqdarında azaltmalı və sutkalıq 11,2 milyon barrelə endirməlidir.
Tarix
2019.02.11 / 14:04
|
Müəllif
İlkin Həsənov
|