Ölkədə İvanişvilinin təsirini üzərində hiss etməyən bir institut belə qalmayıb.

Axar.az xəbər verir ki, bunu jurnalistlərə açıqlamasında Avropa Gürcüstanı Partiyasının sədri Zurab Çiaberaşvili deyib. Onun sözlərinə görə, Mamuka Xazaradzenin “TBC Bank”dan çıxarılması İvanişvilinin maraqlarına uyğun gəlir və bu, ölkənin iqtisadiyyatında neqativ təsirini göstərəcək:

“Bidzina İvanişvili praktik olaraq müstəqil məhkəmə ilə bağlı bütün işartıların hamısını məhv edib. Bu işə indi Milli Bank da qoşulub. Bu ölkə iqtisadiyyatı və investisiya mühitinə pis təsir göstərəcək. Biz buna qədər də bilirdik ki, İvanişvili onun iradəsinə tabe olmayan bütün müstəqil nöqtələri məhv edib”.