Ana səhifə Planet |
2019.02.23 - 23:32
Sudan Prezidenti Ömər əl-Bəşir Müdafiə və Xarici İşlər Nazirliyi də daxil olmaqla, 6 nazirliyin tərkibini dəyişdirib.
Axar.az xəbər verir ki, prezidentin fərmanına əsasən, ölkədəki 18 əyaləti idarə etmək üçün ordudan nümayəndələr təyin edilib. Həmçinin bildirilib ki, bəzi nazir müavinləri və baş katiblər də vəzifədən azad edilib. Lakin işdən çıxarılan şəxslərin adları hələlik açıqlanmayıb.
Qeyd edək ki, Sudan Prezidenti Ömər Bəşir ölkədə fövqəladə vəziyyət elan edərək hökumətin buraxıldığını bəyan edib. O, bu vəziyyətin 1 il müddətinə davam edəcəyini bildirib.
***
Sudan prezidentinin fərmanına əsasən, yeni kabinetdə yer alan adlar açıqlanmağa başlayıb.
Vəzifədən azad edilən baş nazir Mutez Musanın yerinə 2015-ci ildən bəri Cəzirəyə qubernatorluq edən Məhəmməd Tahir təyin edilib.
Müdafiə naziri Avad bin Əvf postunda qalmaqla yanaşı, prezidentin birinci müavini vəzifəsini də icra edəcək.
Tarix
2019.02.24 / 00:07
|
Müəllif
Nərmin Əkbərli
|