Həbsdə olan erməni general Manvel Qriqoryan “Nairi” tibb mərkəzindən yenidən təcridxanaya köçürülüb.

Axar.az xəbər verir ki, bu barədə “Qraparak” qəzeti məlumat yayıb. Qəzetə açıqlama verən erməni general hökumətin onu məhv etmək istədiyini bildirib. Qriqoryan həmçinin ona həbsxana xəstəxanasına köçürülməyin təklif edildiyini, amma Milli Təhlükəsizlik Xidmətinin təcridxanasında qalmağa üstünlük verdiyini bildirib.

Qeyd edək ki, Paşinyan hakimiyyətə gəldikdən sonra həbs edilən ilk şəxslərdən biri Manvel Qriqoryandır. Həbs olunan zaman deputat olan Qriqoryanın həbsdən sonra əmlakının böyük hissəsi müsadirə edilib.