Ana səhifə Planet |
Qəzza sektorunun şərq sərhədlərində İsrail ordusu ilə fələstinli nümayişçilər arasında sərt toqquşmalar yaşanıb.
Axar.az xəbər verir ki, bu barədə Fələstinin Səhiyyə Nazirliyi informasiya yayıb.
Məlumata görə, qarşıdurmalar zamanı 46 fələstinli yaralanıb. Yaralananlar arasında 5 təcili tibbi yardım əməkdaşı, 4 jurnalist, həmçinin başından yaralanan az yaşlı da olub. Azyaşlının vəziyyəti ağır olaraq qiymətləndirilir. İnsanların çoxu gözyaşardıcı qazdan istifadə nəticəsində boğulduqları üçün xəstəxanalara çatdırılıb.
Qeyd edək ki, Qəzza sektorunda 2018-ci ilin 30 martından etibarən ən azı həftədə bir dəfə fələstinlilərin dinc aksiyaları keçirilir. Hesablamalara görə, bir il ərzində aksiyalar zamanı İsrail ordusu ilə yaranan qarşıdurmalarda 250 fələstinli həlak olub, 20 minə yaxın insan yaralanıb.
Tarix
2019.04.20 / 00:58
|
Müəllif
Orxan Tağıyev
|