Şri Lanka hökuməti ölkədə baş verən terror hücumlarının bir qədər əvvəl Yeni Zelandiyada törədilən terakta cavab olaraq yerli ekstremistlər tərəfindən təşkil olunduğunu hesab edir.

Axar.az xəbər verir ki, bu barədə Müdafiə və Kütləvi İnformasiya Vasitələri naziri Ruvan Viyevarden danışıb.

Nazir teraktla bağlı aparılan ilkin araşdırmanın nəticəsi olaraq bu qənaətə gəldiklərini açıqlayıb.

Bazar günü Şri Lankada 8 terakt baş verib. Teraktlar ölkənin 4 şəhərində baş tutub. Terrorçular əsas hədəf kimi kilsə və otelləri seçiblər.

Teraktlarda ümumilikdə 310 nəfər ölüb.

Xatırladaq ki, Yeni Zelandiyada məscidə hücum edən silahlı şəxs 49 nəfəri qətlə yetirmişdi.