Ana səhifə Planet |
Avropa Birliyinin Xarici işlər üzrə ali nümayəndəsi Federika Moqerini Türkiyə Prezidenti Rəcəb Tayyib Ərdoğanın AB haqda dediyi sözlərə çox təəccübləndiyini deyib.
Axar.az-ın məlumatına görə, AB xarici işlər nazirləri toplantısının ardından mətbuat nümayəndələrinin suallarını cavablandıran Moqerini Ərdoğanın AB-yə qarşı dediyi sözləri şərh edib:
"Prezident Ərdoğanın reaksiyasını gördüm və təəccübləndim. Çünki keçən həftə etdiyimiz səfərdə Ərdoğan və Baş nazir Əhməd Davutoğlu ilə qarşıda duran məsələlərlə bağlı müzakirə etdik. Türkiyə və AB arasında yeni bir başlanğıc yaranması mövzusunda razılığa gəlmişdik".
Türkiyəni AB yolunda iqtisadi mənfəətlərdən daha çox,
demokratiya və qanunun aliliyi baxımından dəyərləndirdiklərini
deyən xanım Moqerini AB-nin də Türkiyə ilə bağlı planlarında
dəyişiklik olduğunu deyib:
"Biz Türkiyənin AB yolunu daha çox iqtisadi mənfəətlərlə deyil,
demokratiya və qanunun aliliyi başda olmaqla dəyərlər və prinsiplər
cəhətdən qiymətləndirirdik. İnandığım o idi ki, bu, ilk növbədə
Türkiyənin xeyrinədir. Onlar bizim tərəfdədir. Brüsseldə yeni bir
başlanğıc ola bilərdi. Əks halda 2 komissar ilə birgə bu qədər
yüksək səviyyədə danışıqlar baş tutmazdı. Hazırda düşündüyümüz tək
şey Türkiyə hökuməti ilə AB yolunda ardıcıl və uyğun şəkildə
çalışmaqdır. Biz buna hazırıq".
Xatırladaq ki, Prezident Ərdoğan AB-nin ölkədə jurnalistlərin kütləvi həbsini tənqid edən bəyanatına sərt münasibət bildirib:
"AB öz işləri ilə məşğul olmalı və fikrini özünə saxlamalıdır".
Tarix
2014.12.16 / 00:19
|
Müəllif
Şəmsəddin Ənsar
|