Axar.az
Yuxarı

Sərkisyan aprel məğlubiyyətinə görə dindiriləcək

Ana səhifə Planet
12 Punto 14 Punto 16 Punto 18 Punto

Ermənistan ordusunun 2016-cı il aprel məğlubiyyətini araşdıran parlament komissiyasının ölkənin keçmiş prezidenti Serj Sərkisyanı da dindirəcəyi gözlənilir.

Report xəbər verir ki, bunu parlamentinin Müdafiə və təhlükəsizlik məsələləri üzrə daimi komissiyasının üzvü, hakim “Mənim addımım” fraksiyasının deputatı Tiqran Karapetyan bildirib.

O qeyd edib ki, komissiyanın 2016-cı ilin aprel döyüşləri ilə bağlı iclasına S.Sərkisyan da çağırıla bilər: “Hakimiyyətin keçmiş və indiki nümayəndəsi olmasından asılı olmayaraq, istənilən adamı çağırmaq üçün məhdudiyyət yoxdur. Ehtiyac olarsa Serj Sərkisyan da dəvət olunacaq”.

Deputatın sözlərinə görə, komissiyanın istintaq orqanı statusu var və ona görə də dəvətli iclasa gəlməkdən imtina edə bilməz.

Qeyd edək ki, Ermənistanın Baş nazir Nikol Paşinyan mayın 20-də 2016-cı il aprelin 2-5-də Azərbaycanın işğal altında olan torpaqlarındakı döyüşlərlə bağlı parlament araşdırmasının aparılmasının vaxtının çatdığını bildirimişdi.

Xatırladaq ki, 2016-cı ilin mart ayının ortalarından başlayaraq ermənilər atəşkəsi intensiv pozmağa başlayıblar. Aprelin 1-dən 2-nə keçən gecədən başlayaraq isə bütün cəbhə boyu Azərbaycan ordusunun mövqeləri və yaşayış məntəqələri düşmən tərəfindən intensiv atəşə məruz qalıb. Nəticədə ermənilər aprel ayının 2-dən 5-dək qoşunların təmas xəttində silahlı təxribatlar törədiblər. Təxribatlar zamanı dinc əhaliyə də hücumlar olub. Bu hadisələr nəticəsində Azərbaycan ordusu şəhid verib, həmçinin mülki əhali arasında da ölən və yaralananlar olub.

Döyüşlər zamanı Azərbaycan ordusu da ermənilərin mövqelərinə cavab zərbələri endirib, həyata keçirilən sürətli əks-həmlə zamanı 2000 hektardan artıq ərazi azad edilib və daha çox ərazi əməliyyat baxımından nəzarət altına keçib. Goranboy rayonu və Naftalan şəhərinə təhlükə yarada biləcək Talış kəndi ətrafındakı yüksəkliklər, eləcə də Seysulan məntəqəsi düşmən qüvvələrindən tam təmizlənib. Horadiz şəhərinin düşmən təhlükəsindən qorunması məqsədilə Füzuli rayonu istiqamətində yerləşən, geniş ərazini nəzarətdə saxlamaq imkanı verən strateji əhəmiyyətli "Lələ təpə" adlandırılan yüksəklik də Azərbaycan ordusunun nəzarətinə keçib. Bu döyüşlər nəticəsində 320 erməni hərbçisi məhv edilib, 500-dən artığı isə yaralanıb.

Azərbaycan Respublikasının ərazi bütövlüyünün qorunub saxlanması, erməni işğalçılarının 2016-cı il aprelin 2-dən 5-dək qoşunların təmas xəttində törətdikləri silahlı təxribatların qarşısının alınması və düşmənin dinc əhaliyə hücumlarının dəf edilməsi zamanı göstərdikləri qəhrəmanlıq və igidliyə görə Azərbaycan hərbçilərinin xüsusi fərqlənən bir qrupu 2016-cı il aprelin 19-da Azərbaycan Respublikası Prezidentinin müvafiq sərəncamları ilə yüksək fəxri ada layiq görülüb, orden və medallarla təltif olunub. Vətən qarşısındakı xidmətlərinə görə təltif edilənlər arasında “Azərbaycanın Milli Qəhrəmanı” fəxri adına, “Azərbaycan Bayrağı” və “Vətənə xidmətə görə” ordenlərinə, “Vətən uğrunda”, “İgidliyə görə” və “Hərbi xidmətlərə görə” medallarına layiq görülənlər var.

Tarix
2019.06.04 / 15:18
Müəllif
Axar.az
Şərhlər
Digər xəbərlər

Hablemitoğlunu öldürən şəxs Türkiyəyə gətirildi

Çində 88 milyon ton neft tapıldı

Slovakiyada hərbi kəşfiyyatın keçmiş rəisi öldürüldü

"Normand formatı"nın görüşü bitdi, razılaşma oldu

Avtoritetlərin "sxodka"sı: Həsənov niyə döyüldü?

Çin alimləri xəbərdarlıq etdi: NeoCOV virusu...

NATO-ya Rusiyadan sərt cavab: Separatçılar silahlandırılacaq!

Ərdoğan Putini Türkiyəyə dəvət etdi

Rusiyaya cavabımızın məzmununu açıqlamayacağıq

NATO Rusiyaya meydan oxudu: Baltik və Qara dənizdə...

KULT
<>
Xəbər xətti
  
  
  
  
Axar.az'da reklam Bağla
Reklam
Bize yazin Bağla