Avropa Birliyi beynəlxalq hüquqla digər subyektlərə qarşı sanksiya tətbiq etmək hüququna malik deyil və bu səbəbdən Türkiyəyə qarşı məhdudlaşdırıcı tədbirlər qeyri-qanuni sayılır.

Axar.az xəbər verir ki, bu sözləri Rusiyadanın AB-dəki daimi nümayəndəsi Vladimir Çijov deyib.

“Beynəlxalq hüquqa görə hər hansı sanksiya tətbiq etmək hüququ olan yeganə orqan BMT Təhlükəsizlik Şurasıdır. Ona görə də ölkələrin, eləcə də Avropa Birliyinin tətbiq etdiyi bitərəfli məhdudiyyətdir. Qeyri-legitim sayılır”, - deyə diplomat bildirib.

Qeyd edək ki, Avropa Birliyi Şərqi Aralıq dənizindəki qazma işləri ilə bağlı Türkiyəyə sanksiya tətbiq etmək barədə qərar verib. Sanksiya planına əsasən, AB Ankaraya maliyyə yardımını məhdudlaşdıracaq, hava nəqliyyatı sazişi ilə bağlı danışıqları təxirə salacaq.