Fransa Prezidenti Emmanuel Makron Amazon meşələrindəki yanğınlarla bağlı narahatlığını ifadə edib və "Böyük yeddilik" ölkələrini bu problemi qarşıda keçiriləcək sammit zamanı müzakirə etməyə çağırıb.

Report xəbər verir ki, o, bu barədə öz Tvitter mikrobloqunda yazıb.

"Sözün hərfi mənasında bizim evimiz yanır. Amazoniya - planetimizin 20% oksigen istehsal edən ağciyərləri, yanır. Bu beynəlxalq bir böhrandır. G7 üzvləri, bu təcili vəziyyət haqqında danışmaq üçün iki gündən sonra bir araya gələk", - deyə o bildirib.

Amazon meşələrində güclü yanğınlar artıq 3 həftədir ki, davam edir.

G7 sammiti 24-26 avqust tarixlərində Fransanın Biarrits şəhərində keçiriləcək.