Ana səhifə Planet |
Rusiya Prezidenti Vladimir Putin neft obyektləri dron hücumuna məruz qalan Səudiyyə Ərəbistanına S-400 zenit-raket kompleksi almağı tövsiyə edib.
Axar.az xəbər verir ki, Kreml rəhbəri bu yöndə sualı cavablandırarkən müqəddəs Qurani-Kərimdən də sitat gətirib.
“Müqəddəs Quranda öz irqinin qorunmasından savayı tətbiq edilən zorakılığın qəbuledilməz olduğu deyilir. Bax elə, öz irqini, vətənini qorumaq üçün biz Səudiyyə krallığına uyğun yardımı göstərməyə hazırıq”, - deyə dövlət başçısı bildirib.
Putin əlavə edib ki, Səudiyyə rəhbərliyi müdrik qərar qəbul etməyə qadirdir və İranı nümunə götürərək, S-300-ü, yaxud türk hakimiyyətinin etdiyi kimi S-400-ü əldə edə bilər.
Rus liderin bu yöndə açıqlamasına cavab olaraq İran lideri Həsən Ruhani “Daha yaxşı nə ola bilər? S-300, yaxud S-400...” - bildirib.
Putin də öz növbəsində “Qoy, seçsinlər” deyərək iranlı həmkarının cavabını bir növ təsdiqləyib.
Kreml rəhbəri sonda yenə Qurandan sitat gətirib:
“Müsəlman əhalinin üstünlük təşkil etdiyi Türkiyədə olub, Qurani-Kərimin sətirlərini xatırlamamaq olmaz: Allahın mərhəmətini xatırlayın. Siz nə zamansa düşmən idiniz, Allah sizin qəlblərinizi barışdırdı və sizi qardaş etdi. Bax elə düşünürəm ki, buradan başlamalıyıq”.
Tarix
2019.09.16 / 23:53
|
Müəllif
Kamran Ədalət
|