Gürcüstanda əsən güclü külək Tiflis və Rustavidə ciddi dağıntılara səbəb olub.

Axar.az xəbər verir ki, bu barədə məlumatı "Qazeta.ru" yayıb. Məlumata görə, külək Rustavidə 15 evin damını uçurub və elektrik xətlərinə ciddi ziyan vurub. Bundan başqa, ağacların budağı avtomobillərin üzərinə düşərək, onları zədələyib.

Həmçinin hava şəraiti ilə əlaqədar olaraq mərkəzi mədəniyyət parkı müvəqqəti bağlanıb.

Tiflisdə isə güclü külək səbəbindən qırılan ağac iki nəfərin üzərinə düşüb. Hadisə nəticəsində xəsarət alanlar xəstəxanaya yerləşdirilib.