Britaniya Baş naziri Boris Consona vəzifə səlahiyyətlərindən sui-istifadə iddiaları ilə bağlı cinayət işi açıla bilər.

Axar.az xəbər verir ki, bu barədə məlumatı "Faynənşl Tayms" yayıb. Məlumata görə, o, 2008-2016-cı illərdə London meri vəzifəsində çalışan zaman vəzifəsindən sui-istifadə edərək Cenifer Akuri adlı biznes qadınına kömək edib və 2013-2014-ci ildə Cenifer Akuriyə biznesinin inkişafı üçün 155 min dollarlıq dövlət qrantı verib.

Nəşr Akurinin şirkətinin lazımi tələblərə cavab vermədiyi də bildirilib.

Həmçinin o da qeyd edilib ki, Akuri təzyiq altında Britaniyanın İsrail, Malayziya, ABŞ və Sunqapura səfər edən 3 işgüzar nümayəndə heyətinin tərkibinə qoşulub.

Conson isə bu iddialarla bağlı danışaraq, qaydalara uyğun hərəkət etdiyini bildirib.