2019.10.10 - 11:46

Türkiyənin Suriyanın şimal-şərqində başlatdığı “Sülh çeşməsi” (Barış Pınarı) əməliyyatı çərçivəsində Mardinin Qamışlı bölgəsində 5 YPG-PKK terrorçusu məhv edilib.

Axar.az xəbər verir ki, bu barədə “Yeni Akit” nəşri informasiya yayıb.

Məlumata görə, Türkiyə Silahlı Qüvvələri bölgəyə PUA-larla nəzarəti gücləndirib. Hazırda terror qruplaşmasının istənilən aktivliyinə dərhal və kəskin reaksiya verilir. Bölgədə həmçinin terrorçulara məxsus sursat yüklü maşın məhv edilib.

***

“Sülh çeşməsi” əməliyyatı çərçivəsində Rasulayn şəhərinin qərbindəki Aşağı Kişto terrorçulardan işğaldan azad edilib.

***

Türkiyə Silahlı Qüvvələri (TSQ) Suriyanın şimalında həyata keçirdiyi “Sülh çeşməsi” antiterror əməliyyatı çərçivəsində Rasulayn bölgəsinin şərqindəki strateji əhəmiyyətə malik Darbasiyah qəsəbəsini PKK/YPG və İŞİD terrorçularından təmizləyib.

Məlumata görə, qəsəbənin nəzarət altına alınması ilə YPG-yə göndərilən bütün yardımların yolu kəsilib.

Əməliyyat zamanı həmçinin Tel Abyad və Rasulayn bölgələrinin 8 kəndi terrorçulardan azad olunub.

***

Türkiyə Silahlı Qüvvələrinin terrorçulardan azad etdiyi kəndlərin sayı 11-ə yüksəlib.