İraqda kürd-peşmərgə ordusu türkmanların (azərbaycanlıların) kompakt yaşadığı Mosulu xilas üçün irimiqyaslı əməliyyatlara başlayıb.

Axar.az xəbər verir ki, iyundan "İslam dövləti" terrorçularının işğalında olan şəhərin azad edilməsi uğrunda həlledici döyüşlərə start verilib.

Peşmərgə artıq Xorsabat və Baybux kəndləri ətrafındakı terror təşkilatı hədəflərinə top atəşi açır, üç qərargahı məhv edib. Ordu qüvvələri 10 kilometr məsafədə olduqları Mosul şəhərinin mərkəzindəki əraziləri də raketlər və toplarla vurmağa davam edir.

Yanvarın 21-dən başlanmış əməliyyatlar nəticəsində 7 kənd azad edilib. Əməliyyatda təşkilatın həyati xətti olan Şengal – Telafər - Mosul qovşağı azad olunub.