ABŞ Prezidenti Donald Tramp G7 sammitini özünün”Tramp Nəşnl Doral Mayami” kurortunda keçirmək ideyasından imtina edib.

Axar.az xəbər verir ki, bu barədə Tramp Tvitter hesabında yazıb.

Onun sözlərinə görə, sözügedən qərara səbəb demokratların və mətbuatın kəskin reaksiyası olub.

“Mən düşünürdüm ki, sammitin keçirilməsinə yer təklif etməklə ölkə üçün yaxşı nəsə edərəm. Bunun qarşılığında heç nə əldə etməməyə hazır idim. ABŞ buna görə heç nə ödəməyəcəkdi”, - Tramp bildirib.

Qeyd edək ki, Tramp administrasiyası G7 zirvə görüşünü Mayamidə prezidentə məxsus “Tramp Nəşnl Doral” kurortunda keçirməyi planlaşdırırdı.