Donetsk separatçıları hər an Mariupola hücuma keçə bilər.

Axar.az xəbər verir ki, bu barədə Ukrayna mediası məlumat yayıb. Mariupolun atəş altında olması və separatçıların liderinin bəyanatları şəhərə hücum edilməsi ehtimallarını artırır.

Ukrayna mediasının ehtimallarına görə, Minsk razılaşmasına qədər atışmalar cəbhə bölgələrində aparılırdısa, sülh barədə sazişdən sonra separatçılar şəhər mərkəzlərinə doğru hücum etməyə başlayıblar. Rusiya ordusunun Ukraynanın şərqində müharibəni aparmaqda məqsədinin Krıma quru yolu açmaq olduğu bildirilir.

Qeyd edək ki, Rusiya ordusu Donetsk aeroportunda nəzarəti tam ələ keçirdikdən sonra hücumlarını şiddətləndirib.