İsrailin Xarici İşlər naziri Liberman Fransanın satirik jurnalı "Şarli Hebdo"nun İsraildə satılmasına və pulsuz paylanılmasına şərait yaradıb.

Axar.az xəbər verir ki, nazir İsrail dövlət radiosunda çıxış edərək, Məhəmməd peyğəmbəri karikaturalarını nümayiş etdirən "Şarli Hebdo" jurnalının son sayını almalarını və pulsuz paylamalarını vətəndaşlardan tələb edib.

Liberman çıxışında radikal islamın İsraildə təhlükə yaratdığını vurğulayaraq, söz azadlığına qarşı basqılara heç vaxt icazə verilməyəcəyini bildirib.

Xatırladaq ki, sözügedən dərgi bir müddət əvvəl də İsraildə pulsuz paylanılırdı. Lakin etirazlara səbəb olduğu üçün bu aksiya dayandırılmış və yalnız internet saytlarında davam etdirilmişdi.