Ukrayna Dövlət Təhqiqat Bürosu ölkənin keçmiş hökumətinin Kerç boğazındakı hadisə ilə əlaqəsini araşdırır.

Axar.az xəbər verir ki, bu barədə məlumatı "112.ua" yayıb. Məlumata görə, ötən ilin noybarında Rusiya tərəfindən saxlanılan dənizçilərin qəsdən həmin əraziyə göndərilmə ehtimalı araşdırılacaq.

Büronun direktoru Roman Truba hadisənin bütün təfərrüatlarının öyrəniləcəyini, dənizçilərin dindiriləcəyini və sənədlərin toplanacağını bildirib. Direktor araşdırma ilə əlaqədar olaraq, Ukraynanın eks-prezidenti Pyotur Poroşenkonun da dəvət edildiyini vurğulayıb.

Qeyd edək ki, Rusiya Federal Təhlükəsizlik Xidməti Kerç boğazında ötən ilin 24 noyabrında Ukrayna gəmilərini saxlamışdı. Nəticədə 24 ukraynalı hərbçi Rusiyaya aparılmışdı.