Səudiyyə Ərəbistanı neftin qiymətinin qarşılığında Rusiyadan Bəşər Əsədə dəstəyi kəsməsini təklif edib.

Axar.az xəbər verir ki, bu barədə adının açıqlanmasını istəməyən Səudiyyə və ABŞ rəsmiləri "Nyu York Tayms" qəzetinə məlumat veriblər.

Səudiyyə Ərəbistanı Rusiyanın Əsədə dəstəyi kəsməsi müqabilində neftin hasilatını azaldacağını bildirib.

Qəzetin məlumatına görə, son bir neçə ay ərzində Səudiyyə rəsmiləri rusiyalı həmkarları ilə bu məsələni bir neçə dəfə müzakirə edib, lakin heç bir nəticə əldə olunmayıb.

Qeyd edək ki, bu gün birjalarda "Brent"in qiyməti 57 dollar, WTI (West Texas Intermediate) markalı xam neftin qiyməti isə 52 dollardır.