"TranAsia" hava yollarına məxsus ATR-72 tipli sərnişin təyyarəsinin qəzaya uğrama səbəbi bəlli olub.

Axar.az xəbər verir ki, qəzaya səbəb mühərrikin sönməsidir. Pilotun qəzadan bir neçə dəqiqə öncə mühərrikin sönməsi barədə xəbərdarlıq siqnalı verdiyi müəyyən edilib.

Qeyd edək ki, "TranAsia" hava yollarına məxsus ATR-72 tipli sərnişin təyyarəsi Tayvanın paytaxtı Taybeydə havaya qalxdıqdan az sonra körpüyə çırpılıb. Təyyarədə olan 58 nəfərdən azı 9 nəfəri ölüb.

Xatırladaq ki, ötən ilin iyulunda "TranAsia" şirkətinə məxsus sərnişin təyyarəsinin Penqhu arxipelaqı yaxınlığında fırtınaya düşməsi səbəbindən 48 nəfər həlak olmuşdu.