HƏMAS lideri İsmayıl Haniyə Qətər, Türkiyə və Malayziya da daxil olmaqla, bir çox ölkəyə səfər edəcək.

Axar.az xəbər verir ki, İ.Haniyə 2017-ci ildə Həmas lideri seçilməsindən sonra ilk dəfə xarici ölkələrə səfər turuna çıxacaq.

Məlumatda o da qeyd edilib ki, Haniyə Qəzza zolağında yaşayan bütün fələstinlilərin xaricə getməsi üçün yeganə yol olan Qahirə Beynəlxalq Hava Limanından istifadə edəcək.

Qeyd edək ki, İsmayıl Haniyə HƏMAS lideri seçilməsindən bu günə qədər yalnız Misirə qısamüddətli səfərə gedib.