18:51

İran və ABŞ arasında girov mübadiləsi baş tutub.

Axar.az xəbər verir ki, bu barədə məlumatı İran Xarici İşlər naziri Məhəmməd Cavad Zərif Tvitter hesabında qeyd edib. O bildirib ki, sanksiyaları pozması iddiası ilə 1 ildən artıqdır ABŞ-da həbs edilən Məsud Süleymani sərbəst buraxılıb.

Onun sərbəst buraxılması ilə İranda 2016-cı ildə casusuluqda şübhəli bilinərək saxlanılan Amerika vətəndaşı Syue Van azad edilib.

Zərif onların mübadiləsində vasitəçilik etdiyi üçün İsveçrəyə təşəkkür edib.

***

ABŞ Prezidenti Donald Tramp İranla həyata keçirilən girov mübadiləsi ilə bağlı bəyanat yayıb.

Amerikalı tələbə Syue Vanın evinə qayıdacağını qeyd edən Tramp vasitəçilik etdiyi üçün İsverçərəyə təşəkkür edib:

"ABŞ-ın ən vacib prioriteti vətəndaşlarının təhlükəsizliyi və rifahıdır. Girovluqda olan bütün amerikalıları sərbəst buraxmaq hökumətim üçün həyati önəm kəsb edir. Xaricdə səhvən tutulan bütün vətəndaşlarımızı evlərinə qaytarmaq üçün çox çalışmağa davam edəcəyik".