Ana səhifə Planet |
ABŞ "Şimal axını 2" layihəsində iştirak edən Almaniya şirkətlərinə sanksiya tətbiq etməyə hazırlaşır.
Axar.az xəbər verir ki, bu barədə yerli media məlumat yayıb.
Məsələ ilə bağlı açıqlama verən Almaniyanın Xarici İşlər naziri Heiko Maas ABŞ-ın addımını kəskin tənqid edib.
"Avropanın enerji siyasətinə ABŞ-da deyil, burada qərar verilir. Biz xarici müdaxilələri və sanksiyaları kökündən rədd edirik", - o bildirib.
ABŞ-da hazırlanan və gələn həftə Senatda müzakirə ediləcək qanun layihəsi "Şimal axını 2" layihəsində iştirak edən şirkət rəhbərlərinin vizalarının ləğv edilməsi və şirkətlərin ABŞ-dakı aktivlərinin dondurulması da daxil olmaqla, müxtəlif sanksiyaların tətbiqini nəzərdə tutur.
Xatırladaq ki, Baltik dənizinin altından keçəcək iki qaz kəməri ilə hər il Almaniyaya 55 milyard kubmetr "mavi yanacağ"ın nəql edilməsi planlaşdırılır.
Tarix
2019.12.12 / 19:05
|
Müəllif
Axar.az
|