Misirli həmkarı Əbdülfəttah Sisi ilə görüşən Rusiya Prezidenti Vladimir Putinin bu ölkəyə səfəri davam edir.

Axar.az xəbər verir ki, iki günlük rəsmi səfərlə bağlı Qahirədə olan Putini Misir reaktivləri müşayiət edib.

Xatırladaq ki, Putinin Sisi ilə rəsmi danışıqları bu gündən etibarən başlayır. İkili və heyətlərarası görüşlərdən sonra sənədlərin imzalanması gözlənilir. Putin və Sisi müqavilələrin imzalanmasından sonra mətbuat konfransı təşkil edəcək. Rus liderin İsgəndəriyyə və Afrika Patriarxı II Teodor ilə də bir araya gəlməsi də gözlənilir.

Xatırladaq ki, Sovet İttifaqı və Misir əlaqələri 1960-cı illərdə Camal Əbdül Nasirin prezidentliyi dövründə son dərəcə isti olmuşdu.

Lakin Əbdül Nasirin ölümündən sonra kresloya oturan Ənvər Sədat ölkəni Qərbə doğru istiqamətləndirdi. 1972-ci ilin iyulunda bölgədə Sovet hərbi bazalarının bağlanılması və 20 min rus əsgərinin Misirdən çıxarılmasından sonra Moskva-Qahirə münasibətlərini bir daha əvvəlki vəziyyətinə qaytarmadı.

Moskva ABŞ diplomatiyasının Yaxın Şərqdə təsirini itirməsi üçün Misirlə əlaqələrin inkişaf etdirilməsinin tarixi bir fürsət olduğunu düşünür.