2014-cü ildə parlamentin “Dövlətin dil siyasətinin əsasları haqqında" qanunu əsassız sayması Krımın Rusiyaya birləşdirilməsinə gətirib çıxaran ilkin səbəbdir.

Axar.az xəbər verir ki, bu sözləri Ukraynanın Xalqın Xidmətçisi Partiyasından olan deputatı Aleksey Ustenko deyib.

“2014-cü ildə “Dil haqqında" qanunun qəbul edilməsi Krımda baş verən hadisələrə zəmin yaratdı. Bundan sonra Rusiya Krıma daxil oldu”, - deyə deputat bildirib.

Qeyd edək ki, 2014-cü ildə Ukrayna Ali Radası ölkənin 27 əyalətindən 13-də iki dilin (rus və ukrayna) rəsmi olaraq istifadəsinə icazə verən “2012-ci il dövlətin dil siyasətinin əsasları haqqında" qanunu (Kivalova-Kolesniçenko Qanunu) etibarsız saydı. Parlamentin bu qərarı ölkənin cənub və cənub-şərqində iğtişaşlara səbəb oldu və o zaman prezident vəzifəsini icra edən Aleksandr Turçinov Radanın sözügedən qərarını imzalamaqdan imtina etdi.

Məlumat üçün bildirək ki, Ukraynanın Donetsk vilayətinin təxminən 4/3-ü rus dilini ana dili hesab edir.