"Kanslerin ultimatumu Putin üçün alçaldıcı və qəbuledilməzdir".

Axar.az xəbər verir ki, bunu rusiyalı müxalifətçi Boris Nemtsov söyləyib.

Nemtsovun sözlərinə görə, insanların taleyi Putini qətiyyən maraqlandırmır:

"Merkel Putinə ultimatum irəli sürüb. Ya Putin 70 km demilitarizasiya edilmiş zonanın qurulması ilə alman-fransız sülh planına razılıq verməli, ya da Rusiyanı yeni sanksiyalar gözləyir və Almaniya Amerikanın silah təchizatına müdaxilə etməyəcək. Təbii ki, bu qırğın, qətl və müharibənin sona çatdırılması Rusiya, Ukrayna və dünyanın marağındadır. Aydındır ki, Avropanın planı bunu həyata keçirməyə imkan yaradır. Lakin Putini insanların taleyi və ölkənin maraqları o qədər də maraqlandırmır. Kanslerin ultimatumu Putin üçün alçaldıcı və qəbuledilməzdir. Putini yalnız onun şəxsi ölüm təhlükəsi qorxusu dayandıra bilər. Əgər o belə bir təhlükə hiss etsə, Minskdə hər şey baş tutacaq".