"Normand dördlüyü" – Rusiya, Ukrayna, Fransa və Almaniya liderlərinin Minskdə Ukrayna böhranı ilə bağlı dünəndən başlayan görüşü 12 saatdır davam edir.

Axar.az "RİA Novosti"yə istinadən xəbər verir ki, Moskva vaxtı ilə ötən gün saat 20:15-də başlayan görüşdən iki saat sonra liderlər şəkil çəkdirmək üçün fasilə veriblər. Görüş daha sonra məhdud formatda davam etdirilib.

Görüş hələ də başa çatmayıb. Rusiya mətbuatı görüşün daha 5-6 saat sürəcəyini istisna etməyib. Danışıqların aparıldığı zalın qapıları arxasında gözləyən jurnalistlərə isə heç bir məlumat verilmir.

Zirvə toplantısında 500-dən çox jurnalistin iştirak etdiyi bildirilir.

Minskdəki görüşdə iştirak edən Ukrayna Prezident Administrasiyasının sədr müavini Valeri Çalıy da görüşün 5-6 saat davam edə biləcəyini istisna etməyib.

"Bizim hələ 5-6 saatlıq işimiz var. Atəşkəslə bağlı razılaşma əldə olunmadan buradan getmək olmaz. Əsəblərin mübarizəsi başladı", - Çalıy deyib.