Rusiya və Cənubi Osetiya arasında dövlət sərhədləri ilə bağlı imzalanmış müqavilə Gürcüstanın ərazi bütövlüyü və suverenliyinə qarşı yönəlmiş fəaliyyətdir.

Axar.az xəbər verir ki, bu barədə informasiyanı Gürcüstanın Xarici İşlər Nazirliyi yayıb.

Tiflis Rusiyanın bu addımını beynəlxalq aləmin tanıdığı sərhədləri süni yolla dəyişmə cəhdi adlandırıb:

"Rusiya imzalanmış müqavilələrlə hədər yerə Gürcüstan ərazilərini faktiki şəkildə anneksiya etdiyini maskalamağa çalışır. Çxinvali regionu Gürcüstanın ayrılmaz hissəsidir və beynəlxalq hüquq onunla hansısa müqavilə imzalamağa imkan vermir. Bu hal beynəlxalq haqların kobud şəkildə pozulmasıdır".

Qeyd edək ki, Rusiya 2008-ci ildən etibarən Gürcüstanın ərazisi olan Çxinvali regionunda yaranmış Cənubi Osetiya adlı dövlətin müstəqilliyini tanıyır.